North Korea hruaitu Kim Jong-un thlak ding in timhnak zong ngei cang. Na thlak lo ahcun President Trump nih tuanvo a lak cang lai tiah President George W. Bush chan ah Secretary of State a tuanmi Rice nih Taluk ralrinnak a pek hna.
Taluk le North Korea ramri hrawng zong a buai ngai te lai caah Taluk zong timh cia in a um a hau. North Korea hi Taluk nih a rengh khawh taktak lo ahcun US nih a phomh cang lai tiah ralrin peknak a chim.
Kim Jong-un nuclear le missile hrocernak tlaih khawhnak ding ahcun US nih Taluk kan hmuh ning zong kan thlen a hau tiah Condoleezza Rice nih a chim chih. Kim Jong-un thlaknak ding ahcun zei bantuk lam paoh na zulh a hau ko.
Kim Jong-un na thlak lo ahcun kanmah nih kan thlak lai tiah Taluk sinah Rice nih biacahnak zong a chim.
Asinain Taluk nih Kim Jong-un thlak taktak hi an ngamh lo. Ramri hrawng a buai tuk lai timi an theih. North Korea hruaitu Kim hi zumh tlak a si lo caah a nuclear program zong zumh tlak a si lo.
Atu tiang a hneksakmi lengluang hi dantat loin kan um awk a si lo a ti. US President kip nih an zoh sawh ding hrimhrim a si ti lo. Ahodah Inn Raang a um timi ah ka buai lo tiah Rice a chim chih. Ref: Express.