North Korea nuclear le missile hrocernak nih a kan neng tuk cang. US hriamnam kan cawk lai i kan hman cang lai. Kan ram runvennak policy zong kan zoh than dih an hau cang. North Korea cawlcangh nih kan kut a kan umter thiam ti lo tiah Japan Times nih a tial.
'A herh ahcun kan ral missile le nuclear hi kan phomh cang lai' a ti. Syria Airbase kahnak ah President Trump nih an hmanmi Tomahawk missile cawk ding in timhnak an ngei. Island tikulh chung a ummi Japan nih a ram runvennak policy a ruat ngai cang.
US nih runven lengmang peng hi an celh ti lo. Anmah tein nuclear hriamnam tiang ngeih le ralkap thazaang thawnter hi a ruat lengmang cang. US ralkap inn pi Pentagon lei zong in a herh ahcun Tomahawk missile cu kan pek ko hna lai tiah report nih a tial.
Japan nih an thinphan lengmangmi cu North Korea nih ruah lo piin a kan phomh sual lai ti hi a si. Missile runvennak an i chiah ko nain an hnangam kho lo. Naite North Korea le US an vun linhsat hrawng hna khan cun zeitin dah kan zam ning a si te lai tiah Japan mipi lungre a thei.
Japan Times nih a tial thanmi cu 'kan ram runvennak tiang lawng si loin kan kah khawh venak hnga tiang thazang ngeih kan hau tiah Liberal Democratic Party chung i ramchung security upa nih an chim cang' a ti. Ref: The Express.