North Korea missile hneksak le cawlcangh nih Taluk hnabei a dongh ngaingai cang. North Korea nunnak lam pi tanpiak ding in Taluk nih timhnak a ngei cang. North Korea le Taluk pehtlaihnak lam Yalu River Railway Bridge kharpiak ding in Taluk nih a ruah cang.
Taluk le North Korea an i pehtlaihnak tlanglawng lam lawng si loin an chawlehthalnak lam pi a si. Kim Jong-un he chawlehthalnak in 75% hrawng a hmuhnak lam pi a si. Atu lio North Korea cawlcangh nih Taluk a neng tuk cang i, kharpiak ding in a timh cang.
Tuan deuh ah Taluk nih petrol hraan a phihpiak i Norh Korean mipi zong khuaci an mui cang. Yalu River Railway Bridge a phihpiak than ahcun North Korea caah a fawi ding a si ti lo. North Korea cawlcangh dantatnak caah kan ruah cuahmah lio a si tiah Taluk diplomat pakhat nih a chim.
Taluk nih Yalu River Railway Bridge khar chung ding in timhnak kan ngei. Kan hlei pi hi kap hnih pehtlaihnak le chawlehthalnak a langhtertu hmelchunhnak a si. Ka theihnak tiang ah North Korea cawlcangh nih a kan neng tuk cang. State media tiang in Taluk an kan soisel tuk cang' a ti.
North Korea state media zong nih 'Taluk nih kan i pehtlaihnak an chah ahcun tihnung tukmi lehrulnak an tong lai. Nuclear leirawi zong ah kan ruah lai' an rak ti hna. Ref: KCNA News.