Taylor Swift hi tlangval aa tleng leklekmi hlasak thiam pakhat a si. Tlangval pakhat hnu pakhat in a ngei lengmang nain a pasal ding taktak aa hmuh kho lo rih lo an ti. Asinain a lungdong lo. Atu cu tlangval thar te aa hmuh than cang.
Tuan deuh ah khan Tom Hiddleston he an i duh. Caan zeimawzat an i duh hnuah an i then than i 'Bad Blood' hlasatu cu tlangval dang he a um than cang. Minta Joe Alwyn he an um ti lio le caan an hman ti lio an hmuh lengmang cang hna.
Joe 26 hi mino te a si nain a minthang chin lengmangmi a si. 'Long Halftime Walk' film zong ah aa telmi a si. Tay Tay zong nih a duh ngai ti a si i, neih tein an um ti khawhnak ding ah London ah inn a hlang i Joe he neihniam tein an um lengmang.
Cu hlan ahcun an i duhnak langhter an duh lo nain an thup kho ti lo. Social media kip nih an theih cang hna. Cu hlan a tlangval thing ah aa telmi hna cu minta Jake Gyllenhall, singer Joe Jonas le Taylor Lautner an si. London tlangval nih Tay Tay di an riamhter khawh lo maw a si?
Zeiruangah dah atu le atu ti awk cun tlangval aa thlen lengmang an ti. Ref: The sun.