Nilini ah North Korea nih tilawng kahnak missile tam lakte a hneksak than. North Korea in nichuah lei Wonsan khua in an hneksak. Meng 124 an zuang i Japan rili ah an tla hna. US raltuknak tilawng a umnak hrawng a si.
South Korea nih report a tuah colh. North Korea nih US raltuknak tilawng maw a kah hna timi a fiang rih lo. US le South Korea nih an hlat cuahmah lio a si. Ralkap zong timh cia in an chiah dih cang hna. Zeidah a ruahmi a si hnga timi an thei kho ti lo. A hrang chin lengmang cang.
North Korea nih kaa rungveng kho ko ti langhternak a duh bia i a hneksakmi dah a si hnga timi zong theih a si rih lo. US le South Korea cu an lau ngaingai tiah report nih a tial. US le North Korea karlak ah raltuknak a nai cang ko an ti.
Nizan tihni te ah khan North Korea nih a raltuknak vanlawng eksaisai a tuahter hna. Hlawhtling ngaiin an an tuah kho. North Korea hruaitu Kim Jong-un zong a tlungtling ngai.
South Korea nih President thar a ngeih hnuah North Korea nih voili bakte missile a hneksak cang. Moon nih cun biaruahnak in kan damter lai a ti nain damter khawhnak lam um ti dawh a si lo. Ref: CNN News.