Khuaruahhar in raltuknak vanlawng a phomh khomi 'Plasma Miakpi' timi US nih a hneksak than. A thawn ning kong an chim tikah electric leih bantukin fak taktak in a tuah khawh hna ti a si. Mobile Expeditionary High-Energy Laser (MEHEL) tiah an auh i a hmumi poah cu an lau ko.
An kahnak hmun poah cu electric leih bantukin a tlaih dih hna i a linh hrimhrim a lin tuk an ti. US ralkap eksaisai an tuah lioah an hneksak i a zuang liomi drone an kah hna i rang taktak le hmual pin taktak in a thlak thluahmah hna.
A hneksaktu tiang in a khuaruahharter. 'A hmual pin kho tuk' tiah ralbawi pakhat Eric David nih a chim. A chimmi cu 'kan kah i a kuan a kal ah hin a kalnak hmuh khawh a si i, a pawngkam vialte zong a linhsatmi hmuh khawh a si a ti.
Kan kah duhmi a khen tikah electri leih bantukin a phomh hna i a khennak hmun paoh cu linhsatnak hma lawng te an si. Boeing le Genearal Dynamics bawmhnak in an sermi a si. A rauh hlanah hman khawh colh a si lai an ti.
Poland ah chiahmi US ralkap pawl hi Russia drone nih an tuaitam lengmang hna ti a si. Russia drone pawl phomhnak hrimhrim ah sermi a si. Raltuknak vanlawng zong a phomh, drone zong a phomh i missile zong a phomh khawh hna tiah General David Perkins nih a chim. Ref: The express.