US raltuknak tilawng nih missile runvennak system thar a hneksak cuahmah cang. A raltuknak tilawng cungah a chiahmi a si i, North Korea missile cu fawk tuk in a phomh khawh cang lai ti a si. North Korea nih US tilawng thlak khawh dawh a si ti lo.
An hneksak ahcun missile pakhat an kah i van i a zuan cuahmah lioah an kah i puak lak a va khen khawh. A ran zong a rang i a din hrim a ding tuk.
North Korea nih nan raltuknak tilawng vialte kan thlakpiak dih hna lai tiah a hrocer hna hnu in US nih a tilawng runvennak system thar a a vun hneksak colh cang. Van in a rak zuangmi North Korea missile cu fawk tuk a phomh cang hna lai an ti.
Tu zing ah USS Jackson raltuknak tilawng nih an hneksak. SeaRAM missile tiah an auh i, US nih a raltuknak tilawng runvennak caah a sermi a si. Missile zong a kah khawh i drone zong a kah khawh. A fate i a zang te. Ral nih missile in an rak kah hna tikah a thei khomi zong a si.
President Trump nih a raltuknak tilawng phu hna cu Korea rili ah a thlah hna. North Korea kan hrocer hna an ti lioah Russia le Taluk zong lungrethei in a chiah hna. North Korea nuclear program caan tha la in Asia uk a kan timh cang tiah Taluk nih cun an hmuh.
South Korea ah THAAD missile a chiahmi hrim cu an duh lo tuk. Taluk tlaihhip duh ah a chiahmi a si an ti. A raltuknak tilawng cawlcangh zong nih Taluk lungre a theihter ngai cang. Ref: Express.