Pennsylvania i khua pakhat Strasburg ah a ummi Khrihfami chungkhar meithal kahnak nih US pumpi a hninh dih. An pa Miguel Arnau cu riantuannak a kal. A nupi le a fale pahnih cu inn ah an um. Caan zeimawzat a ruah hnuah an ruak in an phawh hna.
A nupi Carola, an fapa Noah kum 4 le an fanu Bella kum 10 le an uico cu inn chungah an rak thi cang. Police nih an chimmi cu 'an i hngilh lioah an nu nih a kahmi hna a si lai' an ti. An nu zong a lu aa kahnak hma a um i a pawngah pistol an char.
Nithumni ah police bawi pakhat nih a chimmi cu 'an i thah hlan ni khat aa duh ahcun pistol hi a cawkmi a si' a ti. Police nih an chim thanmi cu 'an nu-pa in bia an i al lengmang. Then zong aa tim lengmangmi an si' an ti. Mah ruangah cun lungdongh in an i thahnak a si lai an ti.
Tantakmi an pa Arnau zong a lungrawk tuk i Pathian sin lawng te ah daihnak a hal. 'Arnau kaa chungin a chuakmi cu Pathian thangthat lawng te a si. A fale a dawtnak hna le a nupi a dawtnak lawng te a chim' tiah a Pastor Steve nih a chim. Ref: the sun.