Nirukni kha hlasak thiam Katy Perry cu lungthin lei zoh thiam Dr. Siri Sngh he biaruahnak an ngei i a tap thluahmah. 'Khrihfa inn chungkhar in ka thang ko nain keimah le keimah thah ka rak i tim lengmang, asinain Pathian vel nih a kan kham than' tiah a chim.
A pasal thing Russell Brand he an i then hnu in a nun harnak vialte a chim dih. Russell he kan i then hnu cun ka nun a tla dih. A chim pah in a tap thluahmah. Keimah le keimah thah tiang ka rak duh. 'Pathian velngeihnak thawngin' timi hi ka rak phuahmi a si. Ka nunnak ah Pathian aa langh thannak hla a si' tiah a chim.
'Pathian vel thawngin hi hla hi ka tialmi a si. Ka nunnak ah keimah naak in a ngan deuhmi a um tiah ka zumh. Cucu Pathian a si. Amah thawngin hi nunnak hi ka ngei. Laksawng a ka pekmi nunnak a si. Pathian nih a ka um pi timi ka theih. A kut cak in a kan dawmhtlaih zungzal ko' tiah a chim.
'Ka nunnak ah a phunphun in tlaknak ka tong lengmang hna. Keimah nih ka tei khawh lo dingmi lawng te an si. Pathian nih a ka teipiak dih hna. Hi tiang hi a vel thawngin ka phak khawhnak a si' tiah a chim. Khrihfa chungkhar in a thangmi a si bantukin Pathian a theimi a si. Ref: TCP.