UN ah thlahmi US ambassador Nikki Haley nih UN High Commissioner for Human Rights a sik len hna. 'Human rights buar kongah Israel hi nan ral tuk lengmang hna. Nan hmaan lo' tiah nihnihni ah UN meeting ah a sik hna.
A luan cia nihnih thum ah khan UN ah Israel le Palestinian human rights buar kongah report an pek. Palestinian ah human rights buarnak dong loin a um lioah Israel lawng donghngal loin a chiatnak nan kawl lengmang hna tiah a zai hnawh len hna.
Geneva meeting an ngeih lioah Haley nih ralrinnak a pek cang hna. UN pi aa sersiam ngaingai lo ahcun US nih kan chuah tak te lai. Israel nan tuahto ning zong nan remh ngaingai a hau. Report nan pek kip ah Israel thangchiatnak lawng te nan kawl tiah a chimh cang hna.
'Haley nih a chim thanmi cu 'atu bantuk hna ah hin cun vawleicung human rights buarnak kan zoh lio caan a si. A hleiin Israel sualnak kawlnak caan zong a si lo. UN human rights Council min zong a chiatter i Israel le Palestinian buainak kong paoh ah thleidannak nan ngeih a lang lengmang' a ti. Ref: TOI.