Canadian hlasak thiam Justin Bieber hi tatto a uar tukmi a si. A pum viale cu tatto phunphun nih a tuam in an tuam dih. Tatto thar aa sermi nih mipi khuaruahhar in a tuah hna. Dong loin bia an hal. Zeitin dah a leh hna?
Kum 21 hlasak thiam Justin nih naite ah Instagram ah a hmanthlak a tarmi cu phundang ngai a si cang. A khup cungah ca a tialmi cu 'Better At 70' ti a si.
Zeidah a sullam a si hnga theih theih an duh tuk cio. A uartu (fans) pawl nih dong loin bia an hal. Justin Bieber nih fianternak a tuah colh hna.
A chimhmi hna cu 'ka nunnak hlun ka zoh than tikah palhnak tam tuk an um i kan him lo tuk. Ka caan zong santlai loin ka hmanmi an tam tuk. Cucaah ni fatin in kaa zuam lengmang. Kum 70 ka si hnu cun ka tha deuh te ko lai' a ti.
Minung pakhat nih cun 'kan nunnak ah palhnak kan tuah cio ko' a ti. Minung pakhat nih cun 'kum 70 na phak tikah cun na tatto vialte hi an tla dih te ko lai' a ti. 'Aa dawh tuk. Kan uar tuk' tiah minung pakhat nih a tial. Ref: The sun.