Portugal ah mei a lawn i tihnung ko. Minung 58 leng a kangh cang hna. Minung tam tuk a hliamh rih hna. Motor in a zam cuahmahmi zong an luat lo. Motor chung an um ko lio zong ah a kangh thluahmah hna.
'Mei kaang ahcun tihnung bik a si ko lai' an ti. Nirukni in Pedrogao Grande khua in a kaang. Khua chungmi vialte an zam thluahmah hna. Motor tampi cu an zam manh hna lo. An motor chung an um ko lio tiang ah cun a kangh chih dih hna tiah Interior Minister official Jorge Gomes nih a chim.
Zarhpini tiangah meithat pawl nih an thah chuahmah lio a si. Meithattu kan i zat lo tiah meithattu upa pakhat nih a chim. A kangh ning a fah tuk caah minung tam tuk an thi. Khuaruahhar a si ko cang a ti. Khuate a kanghmi an zoh tikah an thi len rih lai tiah an zumh.
European ram dangdang pawl nih an vun bawmh len cang hna. France le Spain nih an meithahnak vanlawng an rak kuat hna. Pope nih zarhpini ah thla a campiak hna. Zeiruangah dah a kangh timi an thei rih lo. Tek tlak zong a si khomi a si an ti. Ref: BBC.