North Korea ah an tlaih i thla 17 chung thong an thlak i naite ah an luattermi Otto Warmbier a nu le pa nih President thing Obama cozah fak taktak in an phomh hna. Kan fapa an tlaih lioah luatter ding in bawmh kan hal hna i 'dai u, North Korea thin a hung sual lai a kan ti' tiah a chim.
A chim thanmi cu 'kan fapa Warmbier an tlaih ah hin luatter ding in bawmh kan hal hna. Obama cozah nih ka nupi Cindy he dai tein um ko u tiah a kan chimh. Kan zuam cuahmah lio a si ko. North Korea thin kan hunter sual lai tiah ralrin a kan pek a ti.
Warmbier a pa nih conference ah a chim thanmi cu 'tu kum in cun kan nu-pa lungsaunak nih a daih ti lo. Media hmaiah bia kan chim pah tluahmah cang. Washington ah kan tlawng i ambassador Joe Yun nih kan ton. Mah hnu cun rian an tuan i, kan fapa Otto an luatternak hi a si' a ti.
'Cu hlan vialte dai tein a kan umter. North Korea thin kan hunter sual hna lai tiah ralrin a kan pek. An chim ning tein kan um i zeihmanh kan chuah pi lo. Mah hnu cun lengah kan chuak i kan au lengmang i atu cun kan inn ah Otto a um cang' a ti. Ref: TCP.