Europe in chaklei Baltic Rili cungah US nuclear bomtu vanlawng pali an rak zuang. Russian raltuknak vanlawng nih a vun dawi colh hna. Russia ramri an chuah tak tiang a dawi hna tiah Russian foreign ministry biachimtu nih a chim.
Baltic Rili ah US le a hawile ralkap eksaisai an tuah cuahmah lio a si. An eksaisai tuahnak min ah 'Baltic Operation' tiah an auh. US nuclear bom thlatu vanlawng pali an rak zuang i an hnulei in Russia raltuknak vanlawng nih a vun dawi hna.
Russian raltuknak vanlawng cu Su-27 a si tiah US Defence Department nih an chim. Russian Foreign Ministry biachimtu Mikhail Ulyanov nih cun 'US le NATO hi buainak sertu nan si' tiah a vun mawhchiat colh hna. 'Russia ramri ah ralkap eksaisai an ngei lengmang.
US nuclear bom thlatu nih a vun zulh lengmang hna a ti. Daihnak ser loin buainak lengmang an ser tiah a chim chih. US nih cun 'international rili ah a si an ti. Russia le US karlak ah i cuknak tete a um lengmang. Asinain fak ngai tiang in buainak taktak an ngei bal lo. Ref: The sun.