Syria cu Russia hawi tha a si. Asinain US nih Syrian a kah hi a tam cang. Russia nih an celh lo buin an zoh lengmang. Syria Airbase an kahpiak, Syrian ralkap le an hawile an kahpiak lengmang hna, cun nizan tihni ah Syrian raltuknak vanlawng an kahpiak than.
Russia thin a hung tuk cang. US raltuknak vanlawng paoh kan hmuitinh (target) ah kan chiah dih cang. Euphrate tiva in nitlak lei ah a phanmi paoh cu kan kah cang hna lai tiah Russia nih a chim cang. US hi tapung bawmtu nan si tiah Russian Deputy Foreign Minister nih a chim.
Syrian cozah nih an chimmi cu 'ISIS kan kah cuahmah lioah US nih a kan kah an ti. US nih cun 'kan hawi a simi Syrian Democratic Force cungah bom an thlak hna caah kan kahmi hna an si' a ti.
Sivai dat hman ruangah Syrian Airbase an rak kah i Russia le US karlak ah theihthiam lonak fak ngaiin a chuak cang. Syrian raltuknak vanlang a vun kah than hnu cun Russia nih US vanlawng a kah ve sual ahcun tihnung dirhmun a phan khomi a si. Ref: The Express.