North Korea nih nuclear program a lim dengmang cang. Dong loin nuclear program caah rian a tuan zungzal ko. Nuclear a ser khawhnak ding ah kar khat taktak te lawng a duh cang tiah US ralkap upa pakhat nih a chim.
North Korea kongah ruahnak petu Jeffrey Lewis nih a chimmi cu 'North Korea nuclear nunnak ding ah thil pakhat lawng a duh cang. Nuclear hneksaknak ding ah chiahnak ding hram a herh. An hneksak tikah a zuan lai i a linsami a chuahtermi a khaang khomi an herh' a ti.
Mah cucu North Korea nih aa herhmi a si. Kim Jongun nih Hwasong-12 missile a hneksak lio zong ah a linsami a chuahtermi kongah harnak an tong pah lengmang. Asinain North Korea nih an phisin khawh chin lengmang cang tiah Dr. Lewis nih a chim.
Dr. Lewis nih a chim thanmi cu 'North Korea hi zeirel loin kan um ding a si ti lo. A duhmi a ser khawh chin lengmang cang. US a kan hrocernak zong hi a sawhsawh ah kan ruah awk a si ti lo. A chim ning in rian a tuan lengmangmi a si. US nih ralrin ngai kan hau' tiah a chim chih. Ref: The Mail.