CNN nih South Korea ralkap 'Sergent A' pakhat bia an hal. A hmai langhter le a konglam langhter a duh lo. South Korean ralkap nih media hmaiah bia a chim an theih ahcun dan an tat ding a si. A ralkap hawi pa he sex an tuah caah sual an phawtmi a si.
South Korea ralkap chungah cun pa le pa sex tuah an onh lo. Kum hnih thongthlak a si. 'Ralkap upadi ah a ummi cu 'ralkap an thawn khawhnak le ningcang tein phung an zulh khawhnak ding ah same-sex cu ningzak zong a si i ralkap upadi nih a onh lo. Dantat an si lai' ti a si.
South Korea ah mipi lakah cun same-sex hi cohlan a si. Phung nih a onh lo ti a um lo, asinain harnak an tong ngai thiamthiam ve hna. North Korea he tahchun hna ahcun South Korea cu aa ning tuk. North Korea ahcun ngaihthiam ti a um lo.
Sergent A nih a chimmi cu 'ralkap chungah same-sex minung si cu ningzak a si i namneh kan tong tuk. A nuam lo. Thin zong a phang tuk' tiah CNN ah a chim chih. An ralkap upadi Article 92-6 nih same-sex a kham. 'Ralkap cu a ngandam i a thawngmi an si lai' ti a si.
South Korea nih President thar a ngeih hnu in Gay pawl cu an lungrethei chin lengmang. Pa le pa; nu le nu sex tuah cu ka duh lo tiah President Moon Jae-in nih a chim. Ref: CNN News.