US le Russia le Syrian cozah karlak ah rem lonak a linsa than lengmang. US nih Syrian raltuknak vanlawng a kahpiak than hna. 'Syria ramchung ah kan raltuknak vanlawng F/A-18 nih Syrian raltuknak vanlawng SU-22 a kah' tiah US ralbawi nih a chim.
US nih an chimmi cu 'Syrian raltuknak vanlawng nih kan hawile Syrian Democractic Force cungah bom a thlak hna caah kanmah runvennak caah tiin kan kahmi a si' tiah a chim. US nih Syrian raltuknak vanlawng a voikhatnak a kah a si.
Syrian cozah nih cun ISIS kah ding in a zuangmi a si a ti. Russia le Syria leiin zeihmanh an chim rih lo. ISIS an doh cuahmah lio a si ve. Syrian raltuknak vanlawng mongtu cu a konglam an thei kho rih lo. An karlak ah linhsatnak a um than cang.
April thla ah khan US nih missile in Syria Airbase cei lakte a phomh, cun zahan thla chungah khan Syrian ralkap motor a phomh than hna. Russia zong nih ralrinnak a pek, atu zong Syrian raltuknak vanlawng a kahpiak than. Ref: The Daily.