Nikos Giannopoulos, 29, hi 2017 ah Rhode Island Teacher of the Year tiah min thatnak an pekmi a si. Woonsocket ah Beacon Charter High School saya rian a tuan. April ah President Trump le First Lady ton ding in Inn Raang an rak tlawng hna.
Gay saya a simi Nikos nih Trump le Melania cu hman a thlak pi hna i a laar kho tuk. Social media kip an linsa dih. Hmanthlak ah cun thlenzahnak (fan) a naak mi aa tlaih, orhlei ah a lu a thluk, a kehlei in a zal aa purh.
Mipi lung a tongh tuk hna. A hnuah fcebook ah an hmanthlak a tar i ca a tial chihmi cu 'President Trump pawngah hman kaa thlakmi hi Gay, Lesbian, Bisexual, Transgender/Transsexual (LGBT) ka langhsaarternak a si.
Rainbow taangbenh kaa benhmi nih LGBT cungah kaa lawmhnak ka langhternak a si. LGBT community hi ralthat, nun sullam a ka cawnpiaktu an si' a ti.
Facebook commet petu an tam tuk. Minung pakhat nih cun 'Kan conglawmh tuk. Gay hngakchia te ton ding in President na fialmi cu a tha tuk hringhran. Na sianghngakchia cu mi vantha tuk an si. Ref: CNN.