Sempterber i vanlawng in anmah lawng an zuan lioah minthang Actor Brad Pitt nih a fapa kum 15 Knox hi ningcang loin a tuahto tiah sualpuh a s. Los Angeles County Department of Children and Family Services nih hlathlainak an tuah.
A rauh hlanah a nupi Angelina Jolie nih nu-va thennak ca court a tial colh. Jolie sihni nih a chimmi cu 'chungkhar ngandamnak zawnruah ah thennak a tuahmi a si' tiah a chim. Jolie le Pitt hi chungkhar zohkhanh ning kong ah an karhlaan aa khat kho lo ti a si.
Fale zohkhanhnak kongah Pitt hi a chambua tiah Jolie zong nih a rak chim i, Pitt hi pacan dirhmun tlaih a rak thiam lo caah a si dawh a si. Cuticun an i then thai.
Thitumnak an tuah hi kum hnih lawng a si rih, asinain an um tinak caan cu kum 12 a si cang. Mr. & Mrs. Smith an rak i zeihnak khan an rak um ti cang. Naite ah Brad Pitt hi hmun khat ah fale zohkhanh tinak kan tuah ti lai tiah a hal ve. An fale zohkhanh ti khawhnak cu an tuah khawh i, hnatlaknak zong an tuah cang ti theih a si.
A fapa cungah ningcang loin tuahsernak a tuah tiah sual an puhnak case zong Los Angeles County Department of Children and Family Services nih a sualnak kan hmuh lo tiah a case an donghter i an kharpiak cang. Ref: CBS News.