California khuasa nu-va hna cu fanu te an ngei. A pahnihnak ahcun fapa te ngeih kan duh cang an ti i, vanchiat ah an i rawk. An pawi than i, Kim Guiley le a pasal nih cun nu te kan ngei than theo lai timi ruahchannak lawng in an ngei.
An duhmi cu fapa te ngeih kha a si. Asinain nu le pa a si kha thei loin a chuah tik lawng ah thei te u sih an ti i, an i chek ve lo. A chuah tik lawng ah thei te u sih law kan khuaruah kan harter te seh an ti. Anmah duhnak ahcun fanu pakhat le fapa pakhat ngeih hi an duhmi a si.
Nau a pawi chung vialte cu fanu te pawi in a pawi lengmang. Zeidang a ruat ti lo. Fanu pahnih kan ngei lai tiin a pahnihnak zong cu fanu a si lai tiin an hngak ko. A caan a phak tikah cun nau te cu a vun ngei. Nu le pa sinak an vun zoh i fapa te a si kha a hmuh tikah lunglawmhnak in a khat.
A lawmh tuk ahhin a au in a au. Kan thazaang vialte an tlung than dih a ti. A chim thanmi cu fanu pakhat le fapa pakhat chungkhar in a rami ka si i fanu le fapa hi ka duh vemi an si a ti. Nau ka pawi chung vialte zong fanu pakhat le fapa pakhat hi ka chunmang peng a si a ti.
Atu cu ka saduhthah a tling cang. Kan chungkhar kan tling cang tiah Kim nih a chim. Ref: The Sun.