Nineveh ah Islamic Sate (IS) nih mi thattu ah an hmanmi pa cu Mosul khua lengah Iraq ralkap le an hawile nih an thah cang tiah local minung nih Alsumaria News ah an chim. Local minung nih cun an thahmi pa hi 'blood judge' ti zong in an auh.
French ram minung a si i, ISIS ah a lutmi a si. A sual tuk ruang le mi a that lengmangtu a si ruangah 'thisen biaceihtu' (blood judge) tiah an auhnak a si. Anmah ISIS phung le lam a buarmi a thattu hna zong a si i, thahnak kongah tuanvo zong a si.
Mipi chungin nawl a buarmi hna cu an hngawng an tan hna, an thlai hna, vailam an tah hna, an kut le an ke an tem hna i an kah hna tbk in a tuahsernak hi local minung nih an chim tikah a sual tuk hringhran. An thahmi hna kip hi ruakvuinak tha zong an tuahpiak hna lo. Zoh ngam awak zong tha loin mi a thatmi hna a si.
Kan hnu kum ah khan ISIS hruaitu thlennak a um i, mi thattu hruaitu ah thimmi a si. ISIS leiin lehrul cham ding in an i tim. An ralkap hna kip zong biatak tein an forh hna i,
2014 ah Iraq le Syria ram zeimawzat cu ISIS nih an rak lak. Tu kum October in Iraq ralkap le an hawile nih biatak tein an vun doh cang hna. Thla khat chung an dohnak ah ISIS leiin 2000 in 3000 karlak hrawng an thi cang. Mosul khua zong a kulh ding cang caah ISIS caah ruahchannak a um ti lo.
Syria leiin an zam tawnnak lam le hlei zong an khamh i an hrawh dih cang tiah CNN report tu nih a chim. Ref: Bas News.