Hi ram hi kan inn tiah kan auhmi hi zeitluk thluachuak dah kan si. Hihi America cu a si. America cu kan inn a si. America hi kan chungkhar kan sernak inn a si, pakhat le pakhat kan i zohkhanhnak inn zong a si, kan innpa kan dawtnak inn a zong a si i, kan chunmang saduhthah kan hmuhnak inn zong a si.
Ka thlacammi cu, Thanksgiving Day ah hin kan i then-khuainak kan damternak hramthoknak ah cang si seh law, hmailei ah a thawngmi lungput he ram khat kan sinak in kaar kan hlaang ti hna lai i; aa hrawmmi hmuitinh kan ngeihmi nih thazaang kan pe seh.
National Thanksgiving Holiday a rak thanh lioah President Abraham Lincoln nih American mipi cu lungthin khat le aaw khat in biachim ding in a kan fial. Cucu kan tuah ding cu a si.
A sau i , a har taktakmi political campaign kan dih kaa lawng a si rih. Lungthin hninhseihnak zong a sang i, zan khat ah kan i entainak a dam kho colh lo. A poi ngaimi cu hi thil hna hi rianrang tein a tlau colh khomi an si lo.
Sihmanhsehlaw hmun khat te ah tuanbia ser than kho ding kan hmaika ah caan tha kan ngei. Washington ah thlennak taktak kan chuah pi lai, kan khuapi kip ah himbawmhnak kan ser lai, kan community kip ah thanchonak kan ser lai, cun kan khuapi chung kip tiang ah thlennak taktak kan chuah pi lai. Hi hna hi ka caah an biapi tuk i, kan ram ca zong ah an biapi tuk.
Hi vialte kan hlawhtlinnak ding ah kan ram pumpi in kan i tel a hau. Kan political campaign cu aa lim cang, asinain kan ram pumpi ser thannak ding ah kan ram pumpi in campaign tuah than caan a si cang. American mi zapi caah America kamhmi hlawhtlinnnak kan hmuh khawhnak hnga kan ram pumpi in campaign tuah than caan a si cang.
Atu cu American mipi karlak ah zumh ngamnak kan ngeih khawh cionak lai kan riantuannak i tel cio ding in kan sawm hna. American hi kan i funtom ahcun biatak kan chimh hna zeihmanh kan phak khawh lomi a um hrimhrim lai lo. Kan ngeihmi vialte in lunglawmhnak pe hna u sih law, ral tha tein kan hmailei ah karhlaang chin ko hna u sih!
Kaa lawm tuk
Pathian nih thluachuahnak in pe hna seh!
Pathian nih American thluachuahnak pe seh!