Aa then thiam lo ding le aa thlah thiam lo ding hlah maw an si tiah ruahmi muidawh pahnih cu an karlak ah theihthiam lonak a rak chuak i, fak ngaiin pakhat le pakhat an i seh hnuah Christmas Party ah ruah loin an i tong than.
Christmas Party ah an i tong i, an i rem ngaingai. An karlak ah zeihmanh a um lo bantukin nuam ngaiin caan an hmang ti than. An rak i theuhnak hma le theihthiam lonak vialte a dam dih cang i a si lai tiah an ruah cio. An i ton lawng si loin hman zong an i thla ti.
Paris nih an pahnih hmanthlak cu a tar i, hitihin a tial, 'duh a nungmi zanlei, Kim Kardashian he Holiday kan hmang ti' a ti. 2014 in atu hi a voikhatnak an i ton le an caan hman ti than a si. 2000 hrawng khan aa kawm i, aa pehtlai ngaimi an rak si cang.
2008 ah Paris Hilton nih 'Kim tatawk cu hnawngpung chiahnak bag' tiah radio biahalnak ah an rak chim. Fak ngaiin a rak soisel. 2009 ah Kim nih 'kum zeimaw chung ka chawn ti lo' a rak ti. 'Hawikawm tha kan rak si. Atu cun kan i chawn ti lo' a ti.
Asinain Chrsitmas ah cun an hnawmtam vialte phum dih cang hna seh law a dawh. An i nuam i, an i kawmh ning a tha tuk than. Paris nih Kim le Kylie Jenner he an i thlakmi hmanthlak zong a tar chih. French khualipi Paris ah meithal hmuah chih in a thil mansung an firpiak hnu in atu hi Kim leng chuah voikhatnak a si. Ref: The Mirror.