Taluk hi uico sa a duh tukmi an si. Uico hi an veih hna i, an tlaih khawh lomi hna cu cantiang in maw meithal in maw an kah hna. Cuticun uico sa cu an zuar. Uico raang pakhat cu fei in tleng lak in an kah i, a thi lo.
Chengdu khua ah fei in tleng lak in an kahmi uico cu Qiao Wei nih a hmuh i, a lak zokzok i sizung ah a tlip pi. Atu cu a dam ngai cang. Wei zong 'hero' tiah an auh. Fei in an kahnak hmanthlak social media kip ah an zamh tikah vawleicung ah thinhunnak fak piin a chuahter.
Saram Rights Group nih cun 'hi bantukin saram tuahto cu mipi karlak ah hrawhhralnak chuahtertu a si, min zong a chiahter i, kan lungput zong a hrawktu a si' tiah fak piin thinhunnak an langhter ve.
Sizung ah tha tein an zohkhanh i uico cu a dam ngai cang. 'An khamh khawh cu kaa lawm tuk. A hmanthlak ka hmuh cu ka celh lo tuk' tiah Rose Gardiner nih a fcebook ah a tial. 'Cu bantuk thil cu ngaihchia taktak a si nain a dam thanmi nih a kan lawmhter tuk' tiah Charltte Roberts nih a ti ve.
'Hi bantuk dawhcah lo thil Taluk nih a tuah lengmang ahcun vawleicung hruaitu ding ah aa tlak lo' an ti. Saram a daw i, a tlaihchanmi Taluk mipi zong an lungfak tuk hna. Hi thil nih Taluk lungput le saram tuahto ning a thlen ngai lai tiah an zumh. Ref: The Mirror.