Leng a chuah fatin ah phundang tein a bag aa tlaih lengmang. Tu zarh zong ah Victoria Beckham 42 cu New York khua chungah a leng. Mipi nh an zoh lengmang tikah an khuaruahhar ngaimi cu hawi dang cu leng an chuah tikah bag kha an liang cungah an i bei tawn, asinain Victoria cu a si lo.
A bag kha aa tlaih. A bag pum in a tlaih tikah a kutcaang le a ban tha zong a ba ngai lai. A zohtu ca le a pawng um ca zong ah zoh har ngaiin a um. Asinain Victoria nih zeiruangah dah cu bantuk cun a bag cu aa tlah timi ruang a um ve. Victoria hi designer a si tikah mipi sinah tuah a duhmi a um.
Paul Brown nih a chimmi cu 'a kut in a bag kha tlaih loin a pum le a bag kha a beh chih tikah a bag kha a zaang deuh ngaingai. Cun a tai cungah a bag kha a hngohter i a nemmi a bag le a taksa a behter. Khakha Victoria caah a rem deuhmi a si kho men' tiah a chim.
Joely Chilcott nih a chim vemi cu Victoria Beckham bag put ning cu style thoh pakhat a si ko a ti. A dang pakhat nih a chim thanmi cu a tai hngoh in bag aa tlaihmi cu design phun khat a si ko. Designner an sinak pakhat langhter zong a si i, thil thar pkhat langhter zong a si' a ti ve. Ref: Mirror.