President thimmi Donald Trump le Russia president Put hi nuclear hriamnam kongah fak piin an i zuam te lai tiah zumh a si. Donald Trump nih cun US nuclear hriamnam thazaang pek chin lengmang le thawnter chin lengmang ding in ruahnak a ngei.
Russia president Vladimir Putin zong a um sawhsawh lai lo i, President thimmi Donald Trump he fak piin an i zuam te lai tiah an zumh. 'Cheukhat lengbang nih cun 'Putin le Trump hi fak piin nuclear hriamnam an i zuam te lai' an ti. An chim thanmi cu 'Putin cu Trump he zuam ding cu aa nuamh phun ngai a si lai' ti tiang in a chim.
Russian mi thawngpang an timi Putin lungthinput nih a langhtermi cu Trump a sannak paoh ah san ve duhnak a ngei ti a si. Russia le US nuclear hriamnam zuamnak a um taktak ahcun tih a nung te ko lai tiah an ruah. A luan cia kum 30 chung Russia le US nuclear hriamnam tuanbia zoh tikah zuamnak ngei loin nuclear hriamnam tumter leitu aa zuammi a si.
Asinain Trump le Putin an i zuam taktak ahcun kum 30 chung an kal pi cangmi an lu-taw an lehthal than tinak a si lai. Cu tikah Russia le US ca lawng si loin vawleicung ca tiang in tihnung thil a tlunter khomi zong a si. January 20 ah President biakamnak a tuah lai dingmi hi vawleicung nih cun an thawh hmanh chuah lo tiang in an cuanh.
Cheukhat nih an chim thanmi cu President thimmi Donald Trump tham cu Putin hnuzultu pei a si ko cu an ti, asinain cheukhat nih cun atu lio vawleicung nih Trump bantuk an herh. Putin a kham khotu cu Trump lawng a si lai; Trump nih a kham lo ahcun Putin hi a sual chin lengmang lai an ti. Ref: The Sun.