President thimmi Trump cu January 20 cun Inn Raang pi ah President biakamnak a tuah cang lai.
The Presidential Inaugural Committee nih program an tawlrel cuahmah lio a si. Nithumni ah thawngthanhnak a tuahmi cu Trump President biakamnak a tuahnak ni le caan ah biaknak lei hruaitu upa paruk an i tel an ti.
The Presidential Inaugural Committee nih program an tawlrel cuahmah lio a si. Nithumni ah thawngthanhnak a tuahmi cu Trump President biakamnak a tuahnak ni le caan ah biaknak lei hruaitu upa paruk an i tel an ti.
Vice President Mike Pence zong Trump he President le vice president biakamnak cu Januaru 20 ah Washington D.C ah an tuah lai. An sawm dingmi hna min cu: evangelist Franklin Graham, Paula White, Samuel Rodriguez, Cardinal Timothy Dolan, Rabbi Marvin Hier, Wayne T. Jackson hna an si lai. Biaknak lei hruaitu cu thluachuahnak an pek hna lai.
'Kan ram le kan mipi cungah zalon thluachuahnak kan hmuhmi cungah thluachuahnak an kan halpiak lai' tiah PIC chairman Tom Barrack nih a chim. Kan program chungah upatmi biaknak lei hruaitu kip nih a kan tel pi lai. Thlacamnak le Bible relnak zong an kan ngeih pi lai' tiah a chim chih.
Vawleicung evangelist minthang Franklin Graham nih nithumni ah a facebook in aa lawmhnak a vun langhter colh ve. 'United States President a tuan dingmi timhnak le biakamnak ah tel ve ding in an ka sawmmi cungah kaa lawm i, caan tha tuk a si. A biapi tukmi program ah Pathian Bia Thiang rel ding le thlacam ding in timhnak an sermi cungah kaa lawm tuk.
Pathian thluachuah kan herh. Kan ram ca zong ah kan herh i President thar Trump ca zong ah kan herh' tiah aa lawmhnak a langhter.
National Hispanic Christian Leadership Conference ah president a simi Rodriguez zong nih aa lawmhnak a langhter. 'Kan ram cu kan zumhnak cungah aa hngatmi a si. A sunglawi tukmi ni le caan ah tel ding in caan tha ka hmuh ve caah kaa lawm tuk. Pathian nih kan ram hi tha chin lengmang in hruai ko seh!' a ti Ref: TCP.