2016 chungah U.S. Department of Homeland Security nih US ram chung kip ah 500,000 leng an tlaih hna. Report ning ah cun 2015 naak in tlawmpal an tam deuh ti a si. The Department of Homeland Security (DHS) nih kum dongh report an pek ning ahcun misual deuh paoh kuat an si a ti.
Mipi himnak caah tihnung a simi, ramri caah tihnung a si, ramchung himnak caah tihnung a simi poah kha pakhatnak usape ah an chiah hna i, cun a hleiin fir hmang, lainawn hmang, tukvelh hmang le sualnak leiah a record a chiami paoh kha kan tlaih hna i, an ram ah kan kuat than hna a ti.
Kum khat chungah 500,000 leng an tlaihmi chung in 450,000 leng an kuat than hna. 2015 naak cun a minung cun an tam deuh nain report nih a chim ning ah cun 1980 le 2008 hrawng i an rak tlaihmi hna le a record a chia deuhmi hna kha an si.
Secretary of Homeland Security Jeh Johnson nih a chimmi cu biatak tein security kongah tuanvo kan vun lak tikah ramri tan in kan ramchung ah luh aa timmi an zor deuh ngai cang a ti. Tlaihmi chungah aa telmi hna hi ramchung security caah a tihnungmi le ningcang loin ramchung ah luh aa timmi hna an si.
Priority One category phung tangah aa tlami pumpak 450,954 hi kan kirter thanmi hna an si. 2016 chungah ramchung ah a lutmi chung in an tlaihmi hna ah 60,000 hngakchia an i tel. Hi bantukin Central America in mipem an umnak ruangah kan ruah cuahmah lio a si tiah DHS nih a report chih. Ref: VOA News.