Angelinia Jolie le Brad Pitt karlak buainak a dai rih lo. Brad Pitt nih a fale kaltak a sian hna lo caah biaceihnak zung ah an i cuh cuahmah lio a si. Angelina Jolie nih a chimmi cu 'ka fale an rawhral ahcun Bard Pitt tuahsernak lawng te a si lai' a ti.
Naite ah khan Jolie nih an i thennak kong a siah an fale kong a siah lengah a chuahter len hna. Brad Pitt nih 'kan fale kongah lenglei mipi nih an theih a herh lo' tiah fak ngaiin a rak phomh. Jolie zong biaceihnak zung ah a lung aa thum than i, kan konglam lengah ka chuahter ti lai lo a ti.
Asinain Jolie nih a chimmi cu 'mipi nih biatak an theih sual lai ti a phan caah a si' a ti ve. Jolie nih a tuah thanmi thil pakhat cu a fale hi an pa nih tong lengmang hna hlah seh ti a duh. Christmas ah a fale he caan hman ti ding in a halmi zong a rak pe lo.
Brad Pitt zong a thin a rak hung tuk i, biatak tein biaceihnak zung ah a doh than. An fale Maddox, 15, Pax, 13, Zahara, 11, Shiloh, 10, le kum riat faphir Knox le Vivienne cu Angelina Jolie zohkhanhnak tangah an um rih. Kum hnih an um ti hnuah September 19, 2016 ah Jolie thennak ca a rak tial. Ref: Fox News.