President biakamnak a tuah khawh a thaizing cu an chungkhar le Pence chungkhar dihlak in biakinn ah pumhnak an ngei; asinain nu lam zawh a rak um ve. Virginia i CIA Head Quarter zong a leng hna i, thazaang a va pekmi hna. CIA a len hna i, thazaang a pekmi hna nih mipi lung a damter dih cang lai.
A chimmi tampi lakah tawi tei kan langhter. 'Nan hnulei in kan dir pi ko hna. Theihter kan duhmi hna cu biatak tein kan dirpi ko hna lai. Mr. President, tam tuk in dirkamh kan hau lo a ti hmanh nan ka ti te lai (an kut an bengh i, an ni dih hna, lunglawhnak in an khat hna).
ISIS kan hloh hrimhrim hna a hau. Thim ding lam dang kan ngei lo a vun ti cun an mipi lung a tling tuk. Raldical Islamic tapung hi kan hloh hrimhrim hna lai tiah fak ngaingai a nolh thna. Nizan ah ka chim cang. Vawleicung in kan thianh dih hrimhrim hna lai. Mi thalo taktak an si. Nan zinaan kha i chiah ko u. Iraq a uar ngaimi ka si lo. Iraq zong ah ka kal lai lo.
Media pawl a phomh than hna. Fiang tein media nih an ka doh tuk timi a theih ve.Kan rak lennak hna ruang cu media he ral kan tho. Vawleicung ah a dingfel lo bikmi minung ah an i tel tiah a phomh hna. Mipi lung a tling tuk. An ni dih.
CIA Headquarter, Virginia
Nizan kan puai zong ah khan minung an tlawm tuk. Media ruangah a si. Tu zing ka vun tho i, network ka zoh i, mipi thutnak ka zoh cu a lawng tuk. Million in minung hlawh maw an um ti na lakah a lawng dih. Donald Trump nih mipi a ngei hna lo an ti chapbei rih tiah media nih an ka ti a ti.
A peh thanmi cu ruahsur aa tim hoi i, ruah nih a lauter hna caah maw a si hnga; Pathian nih a ka zoh i, na biachim chungah ruah ka surter lai lo a ka ti tiah a chim. Ref: CNN.