Floyd Mayweather boxing thongh lai kaa ngeih tuk. Kan i thongh ahcun ka tei ko lai tiah Conor nih aa zumhnak a chim. Conor hi thuat (velh) leiah cun thiamnak a ngei ngaimi a si an ti. Phun tampi thiamnak a ngeihmi nih Floyd a ngamhternak zong a si.
Naite ah Floyd Mayweather he Las Vegas ah thongh ding in hnatlaknak kan tuah dih cang. Third party an tlamtlin ahcun minthut le ni le caan khiah lawng a tang cang tiah an thanh. Asinain voi 49 aa thong cang i an tei bal rih lomi Floyd nih hnatlaknak kan tuah lo a ti.
UFC ah hnatlaknak a tuahmi le riantuan ding a ngeihmi lim hmasa dih seh law, mah hnuah cun kan ruah than te lai tiah Floyd nih ca a kaut tiah the express nih a tial. UFC ah thongh ding in minthut ciami pathum/li hrawng a ngei rih hna tiah theih a si. Hi vialte hi na lim hmasa lo ahcun Floyd nih minthutnak tuah pi awk ah an thut pi kho rih lai lo tiah ca a kuat.
Floyd nih a tial thanmi cu 'ka bia ngai tuah, Conor McGregor, thongh na duh taktak ahcun UFC ah business na ngeihmi lim hmasa dih hna law, mah hnu ahcun na minung nih ka minung tong te hna seh' tiah a Instagram ah Floyd nih a tial.
UFC president Dana White zong nih a chimmi cu UFC ah Conor hi voili thongh ding a ngei rih. Folyd he thongh ding in a challenge mi kong zong ah a zai ngai. 'Hi bantuk khuakhan cu vawleicung ah hruk taktak a si' a ti, asinain Conor nih cun 'hohmanh boss ka ngei hna lo. Ahohmanh nih biachahnak a kan tuahpiak kho lo' a ti ve.
Conor hi UFC title pahnih ngei a si. A keh lei kut hi a tihnung bak a si. Boxing thonghnak licence zong California nih an pek cang. Folyd Mayweather he thonghnak ka hmuh lo hmanh ah a dangdang he kaa thong thiamthiam lai a ti. Floyd he thongh lam cu ahopoah nih kan duhmi a si' a ti. Ref: The Express.
Bawli He Zan Ih Hi A Tihnunnak An Phuan
-----------------------------