Florida khua Melbourn ah President Trump le First Lady Melania Trump an tlawng i, duh a nung tukmi thil pahnih a um. Melania hi aa dawh pinah iang a ngei chin lengmang. A pum vun zoh chinchin ahcun nupi rua timi cu amah bak hi a rak si.
Angki fual a senmi aa hruk i, Trump kut a vun i tlaih i, an vun rat ahcun an i tlak kho tuk. Vawleicung ram hruaitu President pakhat i a nupi si vemi a pum chung zoh tikah zeihmanh hlawnchaw aa thuam lo. An i thitumnak kutdonghrok pakhat te dah ti lo cu mirang holh kan hman ahcun 'simple' taktak tein a um.
A hngawng zong ah zeihmanh aa tlaih lo; a ban zong ah zeihmanh a hrok lo. A kut caang zong ah zeihmanh aa hrolh hna lo. Cheukhat cu si hna seh law an kut le an hngawng le an ban ah hlawnchaw khatthup in an i chiah cang hna lai. Asinain Melania cu Laimi nih 'nupi rua' an ti tawnmi lungthin te he a um. A hmai simple tein a chiah.
Cun Florida khuami hna cu Bawipa Thlacamnak a relpiak hna. A aw chuah zong Slovenia miphun a sinak a thlau fawn lo. Soiseltu cheukhat nih cun a aw-cawi an soisel ngai, asinain Slovenia miphun a sinak aa ken peng fawn. Mahhngal timi cu Melania hi a si. Zeiruangah dah Bawipa Thlacamnak a relpiak hna timi hi ruah awk a um ngai.
Asinain President Trump zong an soisel tluk in soisel awk ngei a si lo. Mipi hmai i biatak tein a langh hnu cawlcangh ahcun Pathian a duh i. Bible zong a duh timi theih khawh a si. Khrihfami hna he an i pehtlaihnak nih tam tuk an nunnak a sersiam hna timi hmuh khawh a si. Vice President Mike Pence zong Khrihfa zumtu tha a si. Cucaah Pathian an duhnak an langhternak a si ko tiah ruah khawh a si.
Floyd Mayweather Nih Zeitin Dah Conor McGregor Sinah Ca A Kuat?
-------------------------------
--------------------------------------