Egyptian Khrihfami Bus an kah hnuah Egypt raltuknak vanlawng nih ISIS training kainak camp fak taktak in an phomh hna. President Trump nih fak taktak in 'kalsual le mi thalo an si. Kan hloh te ko hna lai' tiah a chim.
Egyptian President Abdel-Fattah al-Sisi nih a chimmi cu 'ISIS training kainak camp kan phomh hna. ISIS training kainak camp le umnak poah kan phomh hna lai' tiah a chim.
'Misualmi hna kut in kan mipi runven hi kan ngol lai lo. Kan mipi harnak a pe i a thattu paoh cu kan hloh dih hna lai' tiah ningani ah TV in bia a chim.
'President Trump zong nawl kan duhmi cu kan bochan, na bia le na thil ti khawhnak zong kan bochan. ISIS doh ding hi na hmuitinh biapi bik pakhat a si. Kan doh pi lai' tiah a chim chih.
ISIS tangka a bawmtu, training a pemi le hriamnam a petu hna paoh cu dantat loin kan luatter hna lai lo tiah a chim chih. Egypt hi ISIS cawlcanghnak a thawng chin lengmang cang. Khrihfami hna hrimhrim cu an him lo tuk.