Police officer Dyaneshwar cu a rak tin i inn chung a rak luh ahcun a nupi Deepali Ganore cu tuang ah a rak ril ko. Thisen in tuang cu a rak khat cang. A ruak kam ah a thattu a fapa nih ca a tial hna.
A nu thisen in ca a tialmi cu 'a ka neng tuk cang, ka tlai u law ka tlai u' tiah a tial. Siddhant Ganore cu a nu a thah khawh in a zam i India, Mumbai police nih an kawl i meng 700 a hlatnak Jaipur ah a zam.
Police nih an dawi. Police officer Rashmi Karandikar nih a chimmi cu 'Jaipur kan phanh i Jodhpur ah a rak zam manh than cang a ti. An dawi than hnuah an va tlaih khawh than.
Mumbai ah a rat i pi i bia an hal lai. Sualphawtnak taktak a um rih lo. A bia an ceih dih hnuah zeiruangah dah a nu a thah i, a thisen tiang in ca a tial timi an theih te lai.
Lainawng pa Ganore a pa hi mi hlat a thiam taktakmi minthang police bawi pakhat a si. A dawi cangmi hna cu an luat bal lo tiah police lei nih an chim. Ref: The sun.