Vawleicung nih ISIS hi kan zoh sawhsawh hna ding an si ti lo. Aho ram hmanh kan him ti lo. An umnak hram tiang in kan phoi dih hna lai i kan hloh dih hna lai tiah Manchester bompuah hnuah Putin nih a chim.
ISIS he aa pehtlaimi Salman Abedi nih Manchester concert kai minung 22 a thah hna hnu in vawleicung ram hruaitu upa thin a hung tuk cang. President Trump nih fak ngaiin a chim hnuah nizan kha fak taktak in an phomh hna.
ISIS le an chungkhar minung 80 leng an thah hna. US nih ISIS a kah hna a fah cem pakhat a si lai tiah an ruah. Russia leiin Putin biachimtu Dmitry Peskov nih a chimmi cu 'ISIS nih vawleicung ram kan thin a kan phanter cang.
ISIS hi kan hloh dih hna hlan tiang kan phomh hna lai. Kan hloh dih khawhnak ding ahcun kan i fun hna a hau' tiah a chim. Russia i St Petersburg Metro station zong ni kum ah an rak puah i minung 8 an rak thi.
Vawleicung ah ISIS le tapung riantuannak hi a kau chin lengmang cang. Asia in America in Europe in Middle East in ram tiang Africa ram tiang hmunhma an ngei dih cang. Ref: The Express.