Switzerland (Zurich) ah The Real Madrid pa Cristiano Ronaldo cu FIFA bawlung chuih thiam bik tiah vawleicung upatmi le thangthatmi laksawng an pek than. A thiam taktakmi Lionel Messi le Antoine Griezmann cu a tei diam hna. Laksawng an pek ni ah Messi cu aa tel lo.
Zurich i red carpet ceremony ah sunglawi taktak in a laksawng cu a cohlan. FIFA bawlung chuih thiam bik tiah an phuan i laksawng an pek ahcun a rak chuak i, lunglawm taktak in a cohlan. A trophy cu mipi hmaiah a hnamh len.
A fapa Cristiano Jr, a farle pahnih le a ngaku hna he a trophy lunglawmhnak hmanthlaknak zong stage cungah an ngei. 2016 dongh lei zong ah khan Ballon d'Or laksawng a cohlan cang. FIFA President Gianni Infantino sinin a laksawng a cohlan hnuah Ronaldo nih a chimmi cu 'Barcelona leiin cheukhat nih an kan tel pi kho lo. A poi ka ti ngai. Asinain theihthiam khawh an si ko' a ti.
2016 ah European Championship, Champions League, Club World Cup, a hmuh hna, cun Fifa, Uefa, le France Football magazine tbk zong ah a thiam bikmi laksawng a hmuh hna. '
Cristiano nih a chim thanmi cu '2016 hi ka riantuannak hlawhtlin bik kum a si. Keimah pumpak level in a siah sport level in a siah ka sunlawi bik um zong a si' tiah Zurich stage cungah a chim. 'A chim thanmi cu 'kaa lawm tuk hringhran. Ka team hawile, hruaitu (coaches), dirkamhtu hna nan thawng in a si' tiah a chim chih.
Ka team, ka ramchung team, Real Madrid, a ka cawnpiaktu hna, ka chungkhar le fapa le ka unau nan dih lak cungha kaa lawm tuk. 2016 kum ka hlawhtlin bik kum a si. Trophy nih 'ka lentecelh a ka zohtu vialte nan mitcaw lo timi a langhter' tiah a chim than. Ref: The sun.