ISIS Hruaitu Abu Bakr al-Baghdadi hi vawleicung ram kip nih thah an duh bikmi pa a si. Kan hnu thla ah khan kan tlaih/thah khawhnak tiang in information a kan pek kho cu USD10 million kan in pek hna lai an timi cu an kaiter than i, USD 25 million tiang a phan.
A tam taktak cang. US nih tangka thap in tlaih an duhmi an tam ngai cang. US cozah nih a chimmi cu 'kan thah/tlaih khawhnak tiang information a kan pe khomi cu tangka in kan in pek colh hna lai' tiang thawngthanhnak an tuah. Asinain atu tiang ah ahohmanh nih information an pe kho hna lo.
Iraq in chaklei peng khua pakhat Al-Baaj ah US le an hawile raltuknak vanlawng kahnak in fak ngaiin aa hliam tiah local report a um. Cunglei he tanglei he an doh peng rih hna. Tutan cunglei in an kahnak cu a fak ngai an ti. Local khuami nih an report mi hi a hman ko lai tiah cheukhat nih cun an zumh ngai.
Voi tam ngai ISIS Hruaitu Abu Bakr al-Baghdadi kong hi an chim cang. A caan ah a thi an ti, a caan aa hliam an ti, asinain atu tiang US nih cun a nung ko tiah an zumh.
ISIS Hruaitu Abu Bakr al-Baghdadi an thah khawh ahcun ISIS riantuannak a tla ngaingai lai tiah an zumh caah a si khawh chungah thah an i zuam lengmaangmi a si. Tuan deuh ah a hnuzultu hna sinah a chimmi cu 'kan ral hna thisen hi tiva bang in luang seh. Nan raldoh hna u' tiah a forhfial hna. Ref: The sun.