Muidawh tawk tha nu Kim Kardashian cu make-up room ah a um. Hmailei ah a kun riangmah i, a hnulei in make-up tuahtu Mario Dedivanovic nih a bih len lio hmuh khawh a si. A sam, a hmai le a thilrukmi zoh tikah a tlamtling dih cang.
Asinain a tlamtling rih lomi um dawh a si. Hmailei ah thutdenh nam in a kun riangmang i a hawi make-up tuahtu Mario Dedivanovic nih a bih len lio le rethei ngaiin a tuahpiak liomi hmuh khawh a si. Muidawh pawl hi an hmai lawng an rak make-up lem rua lo. An hnulei le an chunglei tiang zong an rak make-up ko rau.
Kim hi make-upa leiah aa biatak ngaingaimi a si zungzal. Ka pum ning in a tlamtling maw tling lo tiah an make-upa tuahtu an zohter tawn hna. Cu hnu lawng ah leng ah a lang i, hawi sinah a tlongtlengmi an si. Mario Dedivanovic nih a phuanmi cu 'voi tam deuh cu a hmailei lawng si loin a chung thil lei tiang makep-upa a hmangmi a si' tiah a ti.
Kim 36 hi social media in a lang tuk lem ti lo. Paris ah meithal hmuah chih in an thil mansung an chuh hnu cun aa ralring tuk cang. Nai hrawng chu chungkhar kongah an buai tuk i, a pasal Kanye West he an i then lai ti a si. Asinain Christmas an hmang ti hna. West nih a fapa Saint aa tliah i, a kam ah Kim zong North he an dir ve. Ref: The Sun.