Atlanta Hammond 21 cu a tlangval pa thing Halil Cetinkayali 30 nih a ningcang loin a hman lengmang. A nungak nu nih a ka then sual lai tiah a tlaihhrem lioah video a zeih i, a ka then i, police sinah a ka report ahcun online ah ka tlaihhremnak video ka thlah lai tiah a hrocer lengmang.
Halil nih a ngaknu riantuanmi zong a ngolter i, a hawile zong tong kho loin a chiah. A tukvelhnak a hma tuamnak a cawkpiak i midang nih hmu hna hlah seh tiah a tuamter lengmang. Atlanta kum 18 a si in an rak i tong i, an rak i duh. Halil hi min deuh hmang zong a rak si. Halil min taktak cu Arron Mendez ti a si. An rak i ton kaa hramthok ah cun an rak i duh ngai ko.
Atlanta nih a chimmi cu 'kan rak um ti kaa ah cun bawi fanu bantukin a kan umter. Tangka tampi a hmumi cu a si lo nain a ngeihmi vialte a ka pek dih. Asinain caan sau hmanh a rauh hlanah Muslim hrang taktak a rak sinak ziaza le phung chuak colh a ti. 'A Muslim zumhnak ruangah ka riantuanmi zong a kan ngolter' tiah Atlanta Hammond nih a chim.
Voikhat cu computer ka dehnak ah 'Arron' timi min ka hmuh i, police nih tlaih an rak duhmi a si. Ka hlat deuh tikah Halil timi hi a min deuh a rak si kha ka theih. Hmaitonh in ka chalh tikah a thinhung i a kan velh. Ka hrom in a ka dih i, ka zam tak' tiah a chim.
Phone in ngaihthiam a ka hal peng i, kan i tong than. Ngaihthiam a ka hal tuk i, ka zumh than ve. Kan buainak le a konglam vialte cu hnulei ah kan hlonh dih i, kan um than. Asinain zarh khat a rauh cun ningcang loin zarh fatin in kan hman cang. Ka nu dah ti lo cu a hohmanh a ka chawnhter hna lo. Leng kan chuah kip ah ka hma cu a ka tuamter i, ahohmanh nih theih lo ding in a ka tuahter.
Ka nu sin hmanh ah ka tonmi kong chim le phuan a ka sianh lo. A khamh rumro kham in a ka kham tikah zei ti hmanh in a tuah awk ka hnga lo. Voikhat cu ka nu sinah zam kaa tim. Halil cu aa hngilh i, zam ding in kaa tim. Asinain a ka tlaih manh i, keimah le keimah hmanh theih lo tiang in a ka tukvelh' tiah a chim.
Police sinah a report hnuah an tlaih. Asinain thla zeimawzat a rauh in an chuah than. Atlanta nih a tong duh ti lo. A tlaihhrem lio video kong aa thoknak ning cu hitihin a si:
An rak i duh tlawmpal ah Atlanta nih Halil a leng. A inn ah a riah lawlaw. A thaizing kaa ah Halil nih video zohter. Aa hngilh lioah a rak tlaihhremnak video a si. Ka zoh kaa ah cun kaa hngilh lioah a ka zeih sawhmi ah ka ruah. Asinain ka zoh deuh cun a rak si lo a ti. Ningcang loin aa hngilh liomi cu a rak hman diam.
Thonginn in a chuah hnuah Halil nih a facebook ah a tialmi cu 'mah nu hi ka tukvelhmi le kum hnih chung ka hlenmi hnu a si. Ka duh ning in a um lo ahcun kan tlaihhremnak video online ah ka thlah than lai' tiah a hrocer rih. Ref: The sun.