President Trump nih nithumni ah fiang tein a chimmi cu Muslim ram zeimawzat cu kan ram luhter lo ding in kan kham ko hna lai a ti. Vawleicung hi a buai tuk lio a si caah Muslim ram zeimawzat cu kan kham hna a hau ko rih a ti. Trump nih a fianter thanmi cu Muslim paoh kan kham hna lai lo a ti.
President Trump nih a chimmi cu 'Muslim kan khamnak a si lo; asinain tapung he aa pehtlaimi ram kan kham hna lai a ti. Kan kham dingmi hna cu kan ram ah a ra i, buainak a kan petu ding pawl kan kham hna lai. Anmah rat lo hmanh in kan ram ah phisin ding buainak tam tuk kan ngei cang. A ra cia hmanh hi buainak ser ding in aa timmi lawng te an si tiah Trump nih a chim.
President Trump nih a kham dingmi ram min a chim lo nain Europe ram palhnak tampi a chim. A chim duhmi cu Europe ram nih Muslim refugee tam tuk an ramchung ah an luhter hna tikah Europe ram an buai tuk cang a ti. Tuan deuh ah khan German hruaitu 'Merkel aa palh tuk' tiah Trump nih ralrinnak a pek bal cang. German hi refugee tam tuk a lami an si tikah an buai tuk cang.
Trump nih Europe ram refugee kong le dirhmun a zoh tikah a celh in a celh lo. US nih Europe bantukin buainak ton lai hi a tih tuk. Asinain US ah tam tuk an lak hmanh thiamthiam cang hna. Trump nih a phih colh lai tiah zumh a si. Trump nih Syria refugee a kham hrimhrim lai; ni 120 chung Muslim ram, a hleiin Syria refugee a lakmi a phih chung lai.
Africa le Muslim a simi Iraq, Syria, Iran, Sudan, Libya, Somalia le Yemen in US tlawnnak visa a ngeimi ni 30 chung a kham rih hna lai. Hi ramchung refugee zong a kham hna lo. Tapung he aa pehtlai taktakmi lawng an si.
Africa le Muslim a simi Iraq, Syria, Iran, Sudan, Libya, Somalia le Yemen in US tlawnnak visa a ngeimi ni 30 chung a kham rih hna lai. Hi ramchung refugee zong a kham hna lo. Tapung he aa pehtlai taktakmi lawng an si.
President Trump cu bia an hal. Hitihin na tuah ahcun Muslim ram an thinhung tuk lai lo maw an ti. 'An thinhung lai e?. Atu ah thinhun ding tam tuk a um cang. Mah naak in a tam deuh dingmi thinhun ding a um ti lai maw?' tiah a hal lehlam hna. Trump nih a leh thanmi hna cu 'Vawleicung an buai tuk cang. Vawleicung hrimhrim hi a thinhun hnga ding tluk in a thinhung cang' a ti.
President Trump nih President Order minthut a timh thanmi cu '2017 US tangka kum ah US ramchung ah a lut dingmi refugee ram tampi a kham hna lai. Tu kum chungah President Obama nih Muslim ram in refugee 110,000 lak ding a timi cu 50,000 lawng ka lak lai tiah Trump nih a ti. 50,000 refugee lak dingmi timi hi tapung he aa pehtlai lomi ram Africa le Muslim deuh an si lai. Kawlram refugee a dawn lo. Malaysia le India ah Chin refugee caah a dawnhkhanhnak pakhat hmanh a um lo. ABC News.