USA, Maryland ah Iris Hernandez Rivas, 20 nih a fanu kum 4 hngakchia te Nohely Alexandra Martinez Hernandez, cu na haa na tteih lo tiah a paw ah a chuih i, a hmailei in aa nok i, vampang ah a lu aa su. Cun a fanu te cu a tho than i, takkholhnak khan ah a kal.
Takkholhnak ti a on i, takkholhnak khaan chungah cun a um. A nu nih a paw ah a chuihnak a fah tuk caah takkholhnak kuang chungah cun a rak bawk cang. A bawh hmanh cu a rak tluk kha a si. A nu nih zeidah a si hnga tiah a va zoh cu a celh ti lo i, a rak tluk i a bawh tu kha a si. Suimilam pakhat a rauh hnuah a nu nih 911 a auh hna i, police an phan.
A rannak in bawmtu an rak phan i Rockville i Adventist Healthcare Shady Grove Medical Center sizung ah an tlik pi. A tuar hma a fah tuk cang caah thlop awk a tha ti lo i, Washington D.C i Children’s National Medical Centre ah an kal pi than. A hma a fah tuk cang caah a celh ti lo i, nithumni ah a tuar celh loin a nunnak a liam.
January 27 ah a nu Hernandez Rivas cu police nih bia an hal i, a fanu cungah a tuarsernak tha lo a chim dih. Police nih an chimmi cu 'a haa aa tteih lo ruangah a nu thin a hung i a paw ah a chuih' an ti. An chim thanmi cu 'a fanu pum hi hma lawng tein a khat cang' tiah an chim chih. A chuih hlan zong ah hin taisawm in a tuknak hma a pum cungah an um len. Kum li hngakchia caah tuar an har tuk hringhran ko lai a ti.
A nu Hernandez-Rivas cu hngakchia ningcang loin na tuahto tiah sual an puh, cun kut-ke he hngakchia na tukvelh tiah sual an puh i, atu hi police sinah a um ko rih. Sizung lei nih an chek dih hnuah zei bantukin dah dantat a si te lai timi a fiang te lai. Sual an puhnak zong a sang deuh rh khomi a si tiah police lei nih an chim. Ref: Fox 5 News.
Dawt Tukmi Fa Hniang Thih Cu Nule Caah Tuar A Har Hringhran Ko
----------------------------
ISIS Nih An Khanghmi Duh A Nung Tukmi Khrihfa Nute Zumhnak
----------------------------------------
-------------------------------------