Hakha ah inn pathum a kang tiah thawngpang kan theih. A kaangmi inn hi Sayakyi H. Lian Tial, Sayamah Mang Hnem le Kyaw Tun inn hna an si. Zeiruangah dah an kangh timi theih a si rih lo. Minung aa hliammi an um le um lo zong theih a si rih lo.
A tanglei hi Salai Thomas Lian nih a facebook ah a tialmi a si.
A tanglei hi Salai Thomas Lian nih a facebook ah a tialmi a si.
"Atu ka t'ial caan hi Halkha Khua in zaan 12:00am a si. Hakha khualipi Cherry lam thlang ah Inn a kaang i a hlio bak in aa hlio ko.
Atu hi mipi nih chuah hnawh in an phalh cuahmah nain an phalh kho lo. Inn khat a ciam dih i Inn khat a tlaih i a kaang cuahmah ve. Mipi mei phalh au thawng he t'ah le ai-hram thawng he lung aa tuai ur ko e. Tu tiang cu Acozah Mei that thawngpang a leng lo an ra bal lo.
Tuzan hi Halkha khualipi electric mei a rat lo zan a si. Thli a hrang ngaingai caah mei hlio a t'hawng khun. Hote Inn dah a kaangmi an si? Aa hliammi an um maw tibantuk theih si rih lo atu a kaang lio i buaibai tuk a si caah" a ti a ti.