Iraq kum 63 pa Abu Tahseen hi ISIS nih an tih i, an neih ngam lomi pa a si. Kum hnih chung ISIS a doh cang hna. Ralkap a tuan chungah ral voi nga a do cangmi zong a si i, sniper meithal kah a thiam taktami zong a si. ISIS a thahmi hi an tam tuk cang.
2015 in ISIS a doh cang hna i, an zate in a thah cangmi hna hi 321 an si. Kan ramchung in kan hloh dih hna lai tiah a veih in a veih hna. A chim thanmi cu 'thinphannak ka ngei lo. Ka hnangam peng ko. Ka sniper meithal hmaiah an thlu thluahmah lai' tiah a chim. A umnak khua le hmun ah ISIS nih an kal hnawh ngam lomi a si tiah an thangthat ngaimi a si.
Abu Tahseen hi ral a tu tuk cangmi a si. Israel dohnak (Yom Kippur War) ah a rak i tel, Iran-Iraq raldohnak ah a rak i tel. Kuwait an tuknak ah aa tel i, Golf raltuknak ah aa telmi a si. Raldohnak kongah hmuntonmi a ngei taktak cangmi zong a si.
ISIS a dohnak kong a chimmi cu 'ISIS nih an ka rat hnawh ngam lai lo. Pathian min in ka chimh hna. Ahohmanh a ra ngam lai lo' a ti. 'Rem te le hnangam tein ka kah lengmang ko hna' tiah a chim chih.
British SAS sniper nih ISIS 100 leng a thah hna i, a thiam tuk tiah thangthat a tong len. Mosul khua i an i dohnak ah ISIS an hruaitu pakhat zong a thah chih. Asinain Abu Tahseen nih tam deuh a thah hna. Iraq Rambo ti zong in an auhmi a si. Ref: The sun.
A Tlangval Pa Nih A Zuarmi Ngaknu Anna Nih A Tuanbia A Phuan Dih
---------------------------
---------------------------