Mipi theih in a min langhter a duh lomi 'Anna' tiah auhmi ngaknu cu Albania in a tlangval nih British ah a rak rat pi. A tlangval bantukin aa umter i, tangka hmuhnak caah a rak hmanmi a rak si. UK a phak pi hnuah a zuar i sex sal ah an hman.
'Vawilei tangah an chiah, a mit an huh dih i ni fatin in an tlaihhremnak vialte Anna nih a phuan dih. A tlangval deu nih Albania in British a rat pi hlan tiang ah tlangval a ngei bal lomi zong a si i, sex zong a tuah bal lomi a si. BBC ah a chimmi cu 'ka tlangval deu nih Albania i ka khua in a ka hlen i Britian ah a ka rat pi' a ti.
'A ka duh bantukin bia a chim i, ka zumh. Nangmah bantuk hi ka duhmi an si. Nangmah he chungkhar kan ser lai' a ka ti i, ka duh ve' tiah a BBC ah a chim. Mah hnu ahcun Britian ah an ra. Asinain Britian an phak hnuah hlawhhlang bantukin theih lomi minung sinah a ka zuar. Ka ruah bal lomi le ka tih tukmi a si' a ti.
'Khawika ka um zong ka thei lo. Vawleicung ah an ka chiah in ka theih. Zeihmanh an ka hmuhter lo. Minung kip an ra i, ni fatin in an ka tlaihhrem lengmang' tiah BBC ah a chim pah cun a tap thluahmah. Vanthat ah a luat kho i, atu cu Salvation Army Camp ah a um cang. A tlangval deu cu khawika a um zong an thei kho ti lo.
Minung fir a dohtu Salvation Army Anti-Trafficking Group director Anne Read nih a chimmi cu 'hi bantukin minung fir hi a tam chin lengmang cang. Tangka duh ruang zong ah an tuah i, bussiness hrimhrim in a tuanmi an um a ti. Theih lomi minung he duh sual zong a rak him ti lo a ti. Ref: The sun.
Russia Tluknak Ding Ah US Nih $400 Billion Hman An Hau Cang
----------------------------