Nuclear hriamnam leiah kan thazaang a der chin lengmang cang. Kan nuclear hriamnam hmun kan kauh lai i, kan tharchuah than dih an hau cang tiah President Trump nih nilini ah a chim. Inn Raang ah Trump nih cun 'nuclear thazaang ah United States hnulei kan tang cang' a ti.
Nuclear hriamnam thazaang pek hi kan hmuitinh sangbik pakhat a si lai tiah a chim chih. Russia kan tluk than khawhnak ding ahcun $400 billion dih in kan nuclear tharchuah than an hau lai a ti. US nuclear hriamnam hi an hlun ngai cang tiah theih a si. Tam deuh cu Cold War chan lio hriamnam an si hna.
Expert nih an chimmi cu 'kum zabu 21 ah kan nuclear hriamnam hi chan thar hriamnam ah ser thannak ding ahcun kum hra rau in kum khat ah $40 billion lengmang hman an hau lai' an ti. Atu lio US nuclear hriamnam tam deuh cu an hlun ngai cang hna tiah ralkap lei upa nih an chim.
Asinain Russia tu cu an thawng chin lengmang cang. A luan cia kum zeimawzat khan billion a zaza dih in an nuclear hriamnam le a ralkap a thanchoter chin lengmang cang. US hi vawleicung ah a thawngbikmi ralkap kan si an ti ko nain an hriamnam le ralkap ah tharchuahnak a um lo. Asinain Russia cu nai kum in billion zaza dih in a tharchuah len cang hna.
Russia President Putin he kan i ton tikah nuclear hriamnam kong ka ceih pi lai tiah President Trump nih a chim. Russia cungah US a lungtling fawn lo. Hriamnam thanchonter ti lo ding in hnatlaknak kan tuahmi a buai lengmang a ti. Ref: The sun.
Mipi Lakah An Hriamnam Hmanmi A Tihnung Tuk, A Sawhsawh Si Ti Lo
--------------------------