Missouri i St. Louis Jewish cemetery (thlaan) an hrawhpiaknak ah Vice President Pence a leng. Amah pumpak hrimhrim rian a tuan. Jews mi thlaan an hrawhpiakmi hna hi 200 hrawng a si. President Trump zong a thinhung ngaingai. Fak ngaiin bia a chim.
Trump nih a chimmi cu 'kan ramchung ah hi bantuk huatnak le buainak hi kan cohlang kho lai lo' a ti. Pence zong thlaan hmun ah bia a chim. America ah huatnak, hnahchuahnak, buainak le Jews mi huatnak nih hmun an ngei lo' tiah fak taktak in thlaan hrawktu a mawhchiat hna.
'Jewish community nan dawtnak hna le hi hmun nan zawnruahnak cungah Missouri mipi uar nan um tuk. Hi bantukin Jewish miphun nan dawtnak han le nan zawnruahnak hna nih hin Ahodah American kan si timi a langhter lai' tiah Missouri khua cungah lunglawmhnak zong a chim.
Tu kum chung lawng ah US States 27 chungah Jewish community center 57 nih bom thihpheihnak an tong. President Trump hnu cun Jews mi huatnak a linsa chin lengmang. Trump hi Israel a dirkamhtu a si caah Muslim leiin hrocernak a si ko lai tiah zumh a si.
Pence nih a chim thanmi cu 'Jewish thlaan an hrawhpiakmi hna cu a poi tukmi thil a si. Aa dawhcah lo tukmi thil tuah a si. Huatnak, hnahchuahnak le thatlonak in a chuakmi an si. Hi bantuk sualnak a sertu cu fak piin kan in doh hna a ti. Ref: Fox 2now.
Mipi Lakah An Hriamnam Hmanmi A Tihnung Tuk, A Sawhsawh Si Ti Lo
---------------------------