Hillsong Khrihfabu i Senior Pastor Brian Houston nih Israel khuapi Tel Aviv ah Khrihfabu kan dirh lai tiah naite ah thawngthanhnak a tuah. Hillsong hi kan theih lengmangmi an si.
Praise & Worship hmang in vawleicung ram kip ah Pathian thawngtha a phuang i, Pathian thangthatnak a aupitu an si.
'Israel ah Hillsong Khrihfabu nih Khrihfabu kan dirh lai. Jerusalem in vawleicung khua za kip ah thawngtha bi kan phuan lai i, vawleicung khua za kip in Jerusalem tiang kan phan than lai. Atu hi kan timh cuahmah lio a si' tiah Instagram ah a tial.
Hillsong Khrihfabu hi vawleicung ram kip nih theihmi an si. Pathian thangthatnak Praise & Woship hmang in zumhtu thanghphawhnak a sertu le Pathian thawngtha fak piin a au pitu an si.
1984 ah Australia i Sydney ah Khrihfabu an rak dirh i, a hnuah Cape Town, New York, London, Paris le Armsterdam tbk tiang ah Khrihfabu an dirh hna; Pathian rian an tuannak a kau chin lengmang. Atu zong Israel ah Khrihfabu kan dirh than rih lai tiah thawngthanhnak an tuah cang.
Tel Aviv ah kan dirh lai i, hmun dangdang ah kan hlawhtlin bantukin kan hlawhtlin ahcun Jerusalem zong ah kan dirh rih lai tiah Pastor Houston nih CBN News ah a chim. Hillsong group hi Israel (Holy Land) a tlawng lengmang cangmi an si. Ref: CBN News.
Zeitin Dah Missionary Kong A Chim: Billy Graham
---------------------------------------