Britain's House of Commons biachimtu nih 'President Trump sawm i, kan Parliament i upadi sertu hna hmaiah biachimter ding cu ka duh lo' tiah a chim. July thla chungah President Trump cu Uk ah a tlawng lai. A voikhatnak President dirhmun in UK a tlawnnak a si lai.
Uk a tlawn chungah an Parliament ah biachimter an duh lonak ruang cu 'miphun thleidannak a ngei' timi le 'nu cungah thleidannak a ngei' timi kongah hin a si. A hleiin President nawlngeihnak in Muslim a khammi hrimhrim nih an lung a tlinter lo tuk hna. Campaign a tuah lio hrimhrim in UK Parliament nih Trump an doh ning a fak cang.
John Bercow nih a chimmi cu Westminster Hall ah biachimter kan duh lonak cu 'miphun thleidannak a ngeihmi le nu cungah thleidannak a ngeihmi kongah hin a si a ti. John hi Trump sawmnak kongah hnatlaknak a tuahtu pakhat a si. Asinain a chim thanmi cu Muslim a kham hnu hrimhrim cun kan duh lonak hi a zual chin lengmang a ti.
'Muslim a kham hlan hmanh in Westminster Hall biachimter hi ka hnatlak pi lo. Muslim a kham hnu hrimhrim cun kan upadi sertu hna hmaika biachimter hi kan duh lo a zual' tiah nikhatni i MP hna hmaiah a chim. Ref: CNN
Israel Nih Raltuknak Vanlawng He Tank He An Phomh Hna
------------------------------