CIA hruaitu thing zong a si i, U.S. Defense Secretary thing zong a simi Leon Panetta nih atu lio North Korea sining kong a chim. Kim Jong-nam an thahmi nih North Korea dirhmun a langhter ngai cang. North Korea hruaitu zong an fek ti lo; an hmailei kong zong chim a har cang a ti.
Kim Jong-nam hi North Korea nih an thah ko timi hi fehternak um seh law zeitin dah na hei ruah ve hnga tiah Leon Panett cu VOA nih nilini ah bia an hal. A lehmi hna cu 'North Korea cozah kan lunghrinh pengmi hna hi a hmaan taktak ko timi a langhter lai' a ti. North Korea nih atu hi a voikhatnak an tuahmi a si lo.
Leon Panetta nih a chim thanmi cu 'North Korea hruaitu Kim Jong-un cu amah he aa rem lomi paoh cu a thatmi a si i, a lung a tong lomi le a ruahnak a zul lomi zong a thatmi hna a si. Voikhat lawng a si lo. Pehtlai in a thahmi hna an tam cang' tiah a chim chih.
February 13 ah Kim Jong-nam cu nu pahnih nih Kuala Lumpur International Airport ah VX Nerve Agent sivai tha loin an thah. Hi bantuk siva hi Chemical Weapon Convention ram nih an khammi a si, asinain North Korea cu Chemical Weapon Convention ah min a thumi a si lo. A tihnung ngaimi a si.
Cheukhat nih an chimmi cu Kim Jong-nam hi Taluk nih an uar ngaimi a si. North Korea hruaitu ding zong in an duh. North Korea thil tuah nih a langhtermi cu Malaysia tiang zong ka ral cu ka dawi khawh ko hna timi hi Taluk hmuhter a duh hna, zeicatiah Taluk nih Kim Jong-nam hi an duh deuhmi a si caah a si' tiah U.S. Defense Department secretary Christine Wormuth nih a chim.
Kim Jong-nam an thah tlawmpal ah Taluk nih 2017 chung cu North Korea in meihol kan la rih lai lo tiah a phuan. North Korea nih Taluk ah meihol a kuatmi hi North Korea income cheukhat thum- cheukhat tluk a tam. Kum khat ah $1 billion hrawng an hmuh. Taluk zong North Korea nih United States lam ning paoh in nan lam ve' a vun ti colh. Taluk le US riantuan ti zong a biapi tuk tiah Leon Panetta nih a chim. Ref: VOA News.
An Tuh Bantukin An Zun Cang! President Trump Dohnak Media An Cei Ko
-----------------------------